Albokaren eta saxofoiaren soinuak nahasteko enbeiarekin, 2020an Mixel Ducauk Albosax taldea sortu zuen. Etxialdiaz baliatu zen hainbat doinu sortzeko eta taldea osatzeko. Harekin juntatu ziren albokan Julie Mary, Vianney Desplantes, Maider Martineau albokan eta panderoan, David Ariola saxo altoan, Eric Lenormand saxo altoan, Stéphane Barbier: Saxo tenorean, Txomin Duhalde saxo baritonean, Fred Faure baterian, Bastien Marrianne gitarran eta ttunttunean eta Matthieu Haramboure gitarra apalean.
2022an Otazu Blues diskoa argitaraturik, iazko Herri Urratsen aurkeztu zuten. Albosax taldeak eskeintzen duen musika bixiaz, dantzagarriaz gozatzeko larunbat huntako emana da hitzordua Senpereko Larreko gelan 21:00etan. "The Six Toys" taldekoak ere entzungai ditaizke aintzin. Sartzea 20 €-tan eskuragarri.
